مرکزاطلاعات فلسطین کے مطابق دفاعی امور کے ماہر مصری تجزیہ نگار میجر جنرل عاد سلیمان نے اپنے ایک بیان میں تبصرہ کرتے ہوئے کہا ہے کہ بحر مردار کینال پروجیکٹ سے مسئلہ فلسطین تباہ ہو کر رہ جائے گا۔ یہ منصوبہ فلسطینیوں اور اردن کے مشترکہ دشمن صہیونیوں کو ایک نئی زندگی فراہم کرے گا جبکہ اس کے بدلے میں اردن اور فلسطینیوں کو کچھ بھی حاصل نہیں ہوگا۔
خیال رہے کہ جمعرات کے روز اسرائیل اور اردن نے بحر مردار اور بحر احمر کو ایک کینال کے ذریعے باہم مربوط کرنے کے معاہدے پرعمل درآمد کا فیصلہ کیا ہے۔ اس معاہدے کے تحت فلسطینی اتھارٹی کو بھی شامل کیا گیا ہے۔ پانی تقسیم میں پہلا حصہ اردن کا، دوسرا اسرائیل اور تیسرا فلسطینی اتھارٹی کا ہو گا۔
مصری تجزیہ نگار کا کہنا تھا کہ مشرق وسطیٰ اس وقت تبدیلی کے ایک نئے دور سے گذر رہا ہے۔ ایسے میں اسرائیل کی مدد سے بحر مردار اور بحر احمر کو ایک نہر کے ذریعے مربوط کرنا اردن اور فلسطینیوں کے مفاد میں نہیں البتہ اس سے اسرائیل کو فائدہ پہنچے گا۔ اس کے مضمرات اس قدر خطرناک ہیں کہ اس معاہدے پرعمل درآمد کی صورت میں مسئلہ فلسطین ختم ہو کر رہ جائے گا۔
بشکریہ:مرکزاطلاعات فلسطین