سلفیت (فلسطین نیوز۔مرکز اطلاعات) اسرائیل کی ایک عدالت نے زیرحراست فلسطینی رکن پارلیمنٹ ناصر عبدالجواد کی خرابی صحت کے باوجود نو روزہ جوڈیشل ریمانڈ پر جیل میں رکھنے کا حکم دیا ہے۔
فلسطین نیوز کو موصول ہونے والی اطلاعات کے مطابق غرب اردن کے شمالی شہر سلفیت میں دیر بلوط کے رہائشی منتخب رکن پارلیمان ناصر عبدالجواد کو نو روز کے لیے جوڈیشل ریماند پر جیل بھیجنے کا حکم دیا گیا ہے۔مقامی ذرائع کے مطابق زیرحراست فلسطینی رکن پارلیمان عبدالجواد 49 دن تن مسلسل وحشیانہ جسمانی تشدد کے تفتیشی مراحل سے گذر چکے ہیں۔
کلب برائے اسیران کے وکیل کا کہنا ہے کہ ناصر عبدالجواد کی حالت انتہائی تشویشناک ہے اور اسے علاج کے لیے طبی مرکز منتقل کیا گیا ہے۔
خیال رہے کہ ناصر عبدالجواد کو اسرائیلی فوج نے حال ہی میں ملائیشیا سے واپسی پر حراست میں لیا تھا۔ وہ ملائیشیا میں پی ایچ ڈی کی تعلیم کے لیے گئے تھے اور واپسی پر حراست میں لے لیے گئے۔