غزہ – (فلسطین نیوز۔مرکز اطلاعات)ÂÂÂ فلسطین میں انسانی حقوق کے لیے کام کرنے والی تنظیموں کی طرف سے جاری کردہ رپورٹس میں بتایا گیا ہے کہ گذشتہ ماہ نومبر میں اسرائیلی فوج کے روز مرہ کی بنیاد پر جاری رہنے والے کریک ڈاؤن میں 80 بچوں اور 22 خواتین سمیت 450 فلسطینیوں کو حراست میں لیا گیا۔
ÂÂ
فلسطین نیوز کو موصول ہونے والی اطلاعات کے مطابق فلسطینی اسیران اسٹڈی سینٹر کے محقق اور ترجمان ریاض الاشقر نے بتایا کہ گذشتہ ماہ اسرائیلی فوج نے غزہ کی پٹی کے پانچ ماہی گیر گرفتار کیے۔ ایک 36 سالہ شہری عبدالقادر ابو سلیم کو بیت حانون گذرگاہ سے حراست میں لیا گیا۔
مقبوضہ بیت المقدس سے تحریک فتح کے سابق وزیر حاتم عبدالقادر سمیت 150 فلسطینیوں کو حراست میں لیا گیا۔
گرفتار کئے گئے فلسطینیوں میں پانچ صحافی بھی شامل ہیں۔ ان کی شناخت مصطفیٰ الخاروف، فوٹو جرنلسٹ امین صیام، امجد ابو عرفہ، بشریٰ الطویل کے نام سے کی گئی ہے۔
اسرائیلی فوج کے کریک ڈاؤن میں 80 اور 22 خواتین بھی گرفتار کی گئیں۔ گرفتار بچوں میں 9 سالہ محمد عمار دعنا، 10 سالہ خالد سامر ادکیک، 11 سالہ نعیم ابرہیم عشایر اور قصی نضال الرجبی شامل ہیں۔
صیہونی فوج نے نومبر میں 22 خواتین کو حراست میں لیا۔ ان میں صحافیہ بشریٰ الطویل کو جنین شہر سے حراست میں لیا گیا۔
بیت المقدس سے 7 فلسطینی خواتین کو حراست میں لیا گیا۔ رپورٹ میں بتایا گیا ہے کہ نومبر میں مزید فلسطینی قیدیوں کو عمر قید کی سزائیں سنائی گئیں جس کے بعد عمر قید کے سزا یافتہ اسیران کی تعداد 509 ہوگئی ہے۔