فلسطین نیوز کو موصول ہونے والی اطلاعات کے مطابق غزہ وزارت صحت کی طرف سے جاری کردہ بیان میں بتایا گیا ہے کہ فلسطینی شہریوں نے امریکی صدرڈونلڈ ٹرمپ کی طرف سے بیت المقدس کو اسرائیل کا دارالحکومت قرار دیے جانے کے خلاف احتجاجی مظاہرہ کیا۔ مظاہرین نے غزہ کی پٹی کی سرحد کی طرف مارچ کیا تو اسرائیلی فوج نے نہتے فلسطینیوں پر آنسوگیس کی اندھا دھند شیلنگ کی جس کے نتیجے میں کم سے کم نو فلسطینی شہری زخمی ہوگئے۔
وزارت صحت کے ترجمان کا کہنا ہے کہ فلسطینی شہری غزہ میں متفرق مقامات پر زخمی ہوئے۔ مشرقی غزہ کے علاقے جبالیا میں تین، غزہ شہر میں تین اور خان یونس میں بھی تین فلسطینی زخمی ہوئے۔
ادھر غرب اردن کے شہر اریحا میںÂ دفاع القدسÂ اور امریکی صدر کے اعلان کے خلاف احتجاجی جلوس نکالا گی۔ اسرائیلی فوج نے مظاہرین پر دھاتی گولیوں کی بو چھاڑ کی جس کے نتیجے میں 44 فلسطینی زخمی ہوگئے۔