فلسطین نیوز کو موصول ہونے والی اطلاعات کے مطابق مقامی ذرائع کا کہنا ہے کہ صیہونی آباد کاروں اور امریکی فوجیوں کے قبلہ اوّل پر دھاوے کے خلاف فلسطینی عوام میں شدید غم وغصہ پایا جا رہا ہے۔
فلسطینی محکمہ اوقاف کے حکام نے بتایا ہے کہ جمعرات 44 صیہونی آباد کار مراکشی دروازے کے راستے قبلہ اوّل میں داخل ہوئے اور حرم قدسی کی بے حرمتی کا ارتکاب کیا۔ اسی دوران 33 امریکی فوجی بھی مسجد اقصیٰ میں داخل ہوئے۔Â صیہونی آباد کار مسجد اقصیٰ میں مراکشی دروازے اور باب السلسلہ سے داخل ہوئے۔ صیہونی آباد کاروں کو اسرائیل پولیس کی طرف سے فول پروف سیکیورٹی مہیا کی گئی تھی۔
امریکی فوجیوں کی قبلہ اوّل پر یلغار ایک ایک اہم سوالیہ نشان ہے۔ امریکی فوجی ایک ایسے وقت میں قبلہ اوّل میں داخل ہوئے ہیں جب امریکی صدر ڈونلڈ ٹرمپ کی جانب سے بیت المقدس کو اسرائیل کا دارالحکومت قرار دیے جانے کے بعد فلسطین میں سخت وغصہ کی فضاء پائی جا رہی ہے۔