رام اللہ (فلسطین نیوز۔مرکز اطلاعات) فلسطینی محکمہ امور اسیران کی طرف سے جاری کردہ ایک بیان میں کہا گیا ہے کہ اسرائیلی حکام کی طرف سے بتایا گیا ہے کہ 3 ہفتے قبل شہید کیے گئے فلسطینی یاسین السرادیح کا جسد خاکی 72 گھنٹے میں اس کے ورثاء کے حوالے کردیا جائے گا۔
فلسطین نیوز کو موصول ہونے والی اطلاعات کے مطابق فلسطینی محکمہ امور اسیران کے مندوب محمد محمود نے بتایا کہ اریحا سے تعلق رکھنے والے 33 سالہ یاسین سرادیح شہید کا جسد خاکی اگلے 72 گھنٹوں میں ورثاء کے حوالے کردیا جائے گا۔انہوں نے بتایا کہ اسرائیلی پراسیکیوٹر جنرل نے شہید السرادیح کا جسد خاکی اس کے ورثاء کے حوالے کرنے پر اعتراض نہ کرنے کا فیصلہ کیا ہے۔ بدھ کے روز عدالت میں پیشی کے موقع پر فلسطینی پراسیکیوٹر جنرل شہید السرادیح کا جسد خاکی واپس کرنے کی حمایت کرے گا۔
خیال رہے کہ اسرائیلی فوج نے تین ہفتے قبل یاسین السرادیح کو گولیاں مار کر شہید کردیا تھا۔ صیہونی فوج نے اسے پیٹ میں گولیاں مارنے کے بعد وحشیانہ تشدد کا نشانہ بنایا جس کے نتیجے میں وہ دم توڑ گیاتھا۔ بعد ازاں صیہونی فوج نے شہید کا جسد خاکی قبضے میں لے لیا تھا۔