نابلس – (فلسطین نیوز۔مرکز اطلاعات) اسرائیلی سیکیورٹی فورسز نے مقبوضہ مغربی کنارے کے کئی شہروں میں بدھ کی صبح چھاپوں اور تفتیشی کاررائیوں کے بعد متعدد افراد کو گرفتار کر لیا۔ غرب اردن کے شہر نابلس کی شمالی میونسپلیٹی عصیرہ میں اسرائیلی جیلوں سے رہا ہونے والے کم سے کم بیس قیدیوں سے پوچھ تاچھ کی گئی جبکہ تین طلبہ کو بیرزیت یونیورسٹی سے گرفتار کیا گیا۔
فلسطین نیوز کو موصول ہونے والی اطلاعات کے مطابق اسرائیلی فوج کے بیان میں 12 فلسطینی طلبہ کو مزاحمتی سرگرمیوں میں ملوث ہونے کے شبہے میں گرفتار کیا گیا۔مقامی ذرائع نے بتایا کہ قابض فوج نے بیرزیت میونسپیلٹی سے جامعہ بیرزیت کی طلبہ یونین کے سابق صدر احمد العایش کو گرفتار کر لیا ہے۔ یہ گرفتاری ایسے وقت عمل میں آئی ہے جب آج یونیورسٹی میں طلبہ یونین انتخاب کا نیا مرحلہ ہو رہا ہے۔ یونیورسٹی کے علاقے سے عمرو الریماوی اور احمد فرج نامی طلبہ کو بھی حراست میں لئے جانے کی اطلاعات ہیں۔
بیت لحم کے مضافاتی قصبے تقوع سے اسرائیلی سیکیورٹی فورسز نے موسی العمور اور حسن البدن شہریوں کو گرفتار کیا جبکہ محمود ابو صوی کو شہر کی الخضر میونسپیلٹی سے گرفتار کیا گیا۔
بدھ کی صبح قابض اسرائیلی فوج کی گرفتاری مہم کے دوران شمالی نابلس کی عصیرہ میونسپیلٹی سے بیس ایسے نوجوان گرفتار کئے گئے ہیں جو حال ہی میں صہیونی جیلوں سے رہا ہوئے تھے۔ ان سے قابض حکام سے پوچھ تاچھ کی جس کے بعد انہیں رہا کر دیا گیا۔
عینی شاہدین نے مرکز اطلاعات فلسطین کے نمائندے کو بتایا کہ اسرائیلی سیکیورٹی فورس کی بھاری نفری نے عصیرہ میونسپیلٹی پر دھاوا بول دیا۔ اس کے بعد اہلکاروں نے اسرائیلی جیل سے رہائی پانے والے بلال الکاید سمیت دو دوسرے نوجوانوں کے گھر مکمل تلاشی لی۔