نابلس – (فلسطین نیوز۔مرکز اطلاعات) فلسطین کے مقبوضہ مغربی کنارے کے مختلف شہروں میں آج بدھ کے روز اسرائیلی فوج کی طرف سے گھر گھر تلاشی کی کارروائیوں کے دوران 18 فلسطینی شہریوں کو حراست میں لے لیا گیا ہے۔ اطلاعات کے مطابق اسرائیلی فوج کے ساتھ جھڑپوں میں دو فلسطینی نوجوان زخمی بھی ہوئے ہیں۔
فلسطین نیوز کو موصول ہونے والی اطلاعات کے مطابق مقامی فلسطینی ذرائع نے بتایا کہ غرب اردن کے شمالی شہر نابلس کے مشرقی عسکر الجدید پناہ گزین کیمپ میں گھر گھر تلاشی کے دوران چھ فلسطینی شہریوں کو حراست میں لے لیا۔ ایک شہری کو جنین شہر کے قباطیہ قصبے سے حراست میں لیا گیا۔عینی شاہدین نے بتایا کہ صہیونی فوج کی بھاری نفری نے مشرقی نابلس میں بلاطہ کیمپ، سھل روجیب اور عسکر الجدید کےمقامات پر چھاپے مارے اور گھروں میں گھس کر خواتین اور بچوں کو زدو کوب کرنے کے ساتھ ساتھ لوٹ مار بھی کی۔
نابلس سے حراست میں لیے گئے شہریوں کی شناخت عندان بکار، حسن الاشقر، نہاد ابو کشک، مراد مسیمی، احمد شوبکی اور ثائر شلبی کے ناموں سے کی گئی ہے۔
نابلس میں صہیونی فوج نے فلسطینیوں کے گھروں میں گھس کوخواتین اور بچوں کو زدو کوب کیا، گھروں میں قیمتی سامان کی توڑپھوڑ کی اور لوٹ مار کی۔
ادھر بیت لحم سے معتز خضر العمور، محمد خضر العمور،عاصف ریان العمور، ریاج حمامرہ کو حراست میں لیا گیا۔
طوباس میں بھی کئی گھنٹے تک جاری رہنے والے سرچ آپریشن کے دوران متعد شہریوں کو حراست میں لیا گیا۔ صہیونی فوج نے جنین میں دو سگے بھائیوں احمد اور ندیم، بسام شرقاوی، طارق محمود نبھان، بشار ابراہیم عباس اور یوسف صبری عساف کو حراست میں لیا گیا۔
جنین شہر میں اسرائیلی فوج کے ساتھ تصادم میں دو فلسطینی شہریوں کے زخمی ہونے کی بھی اطلاعات ہیں۔