اسرائیلی فوج کی طرف سے جاری کردہ بیان میں کہا گیا ہے کہ حراست میں لیے گئے 15 فلسطینیوں کو اسرائیلی فوج کو مطلوب افراد بھی شامل ہیں جن پر اسرائیل کی فوجی اورسول تنصیبات پرحملوں کا شبہ ہے۔
فلسطین نیوز کو موصول ہونے والی اطلاعات کے مطابق صہیونی فوج نے غرب اردن کے شمالی شہر جنین سے تین، نابلس کے صیدہ اور عصیرہ قصبوں اور رام اللہ میں البیتونیا اور البیرہ کے مقامات سے دو، بیت لحم کے نواحی علاقے حوسان سے ایک اور الخلیل میں الظاہریہ کے مقام سے تین فلسطینیوں کو حراست میں لیا گیا۔
اسرائیلی فوج کی طرف سے جاری کردہ ایک بیان میں دعویٰ کیا گیا ہےکہ جنین میں تلاشی کے دوران فلسطینی شہریوں کی طرف سے 10 دستی بم پھینکے گئے جس کے بعد اسرائیلی فوج نے فلسطینی شہریوں پر فائرنگ کی۔
نابلس میں اسرائیلی فوج نے گھر گھر تلاشی کے دوران ایک شہری کو حراست میں لینے کے بعد اس کی گاڑی بھی ضبط کرلی۔
رپورٹ کے مطابق صہیونی فوج نے نابلس میں ایک کارروائی کے دوران ثائر الاغبر کو حراست میں لے لیا۔
الضاحیہ کے مقام پر اسرائیلی فوج نے اسیر یحییٰ الحج حمد کے گھر پرچھاپہ مارا اور گھر گھر میں توڑپھوڑ کی۔