نابلس (فلسطین نیوز۔مرکز اطلاعات) فلسطین کےمقبوضہ مغربی کنارے کے شمالی شہر نابلس میں جالود کے مقام پر صیہونی آباد کاروں نے فلسطینی شہریوں کی 120 دونم اراضی غصب کرلی۔
فلسطین نیوز کو موصول ہونے والی اطلاعات کے مطابق عینی شاہدین نے بتایا کہ صیہونی شرپسندوں کی بڑی تعداد نے جن کا تعلق غرب اردن میں قائم "عمیحائی” صیہونی کالونی سے بتایا جاتا ہے مقامی فلسطینی شہریوں کی ایک سو بیس دونم اراضی غصب کرلی۔رپورٹ کے مطابق فلسطین میں صیہونی آباد کاری کے امور کے تجزیہ نگار غسان دغلس نے بتایا کہ صیہونی آباد کاروں کی بڑی تعداد میں سھل ابو الرخمÂ اور جودہ کے مقام پر فلسطینیوں کی 80 دونم وار ایک دوسرے مقام پر 40 دونم اراضی غصب کی گئی۔
غسان دغلس نے بتایا کہ ’احیاہ‘ صیہونی کالونی کے آباد کاروں نے حوض 14 کے مقام پر 40 دونم اراضی پر قبضہ کیا۔ غصب کی گئی اراضی انگور، اخروٹ اور بادام کے باغات پر مشتمل ہے۔
غصب کی گئی اراضی فلسطینی شہریوں ھشام احمد حج محمد، محمود فوزی حج محمد اور احمد عبدالغنی حج محمدÂ کی ملکیت بتائی جاتی ہے۔