فلسطین نیوز کو موصول ہونے والی اطلاعات کے مطابق اسرائیلی فوج کی طرف سے جاری کردہ رپورٹس میں حسب معمول دعویٰ کیا گیا ہے کہ گرفتار فلسطینیوں میں فوج اور صہیونی آباد کاروں پر حملوں میں ملوث ہونے کے شبے میں سیکیورٹی اداروں کو ماخوذ فلسطینی بھی شامل ہیں۔
عینی شاہدین کے مطابق صہیونی فوج نے گھر گھر تلاشی کی کارروائیوں کے دوران متعدد فلسطینیں کو حراست میں لینے کے ساتھ ساتھ گھروں میں قیمتی سامان کی توڑپھوڑ کی اور نقدی وزیورات لوٹ لیے۔
رپورٹ کے مطابق صہیونی فوج نے رام اللہ میں ’کوبر‘ کالونی میں تلاشی کے دوران حلیمش کالونی میں فدائی حملہ کرنے والے فلسطینی Â کی والدہ اور اس کے ایک بھائی کو حراست میں لے لیا گیا۔
رام اللہ میں بیر نبالا اور Â بدو قصبوں سے تین فلسطینیوں کی گرفتاری عمل میں لائی گئی جب کہ بیت لحم میں تقوع کےمقام سے دو اور الخلیلس سے تین فلسطینی گرفتار کیے گئے۔
اسرائیلی فوج کی طرف سے جاری کردہ ایک بیان میں کہا گیا ہے کہ تلاشی کے دوران جنین شہر سے ایک ’ایم 16‘ مشین گن بھی قبضے میں لی گئی ہے۔ رام اللہ کے نواحی علاقے کوبر سے اسیر فدائی حملہ اور عمر العبد کی والدہ کو حراست میں لے کرنامعلوم مقام پرمنتقل کردیا گیا ہے۔