الخلیل – (فلسطین نیوز۔مرکز اطلاعات) اسرائیلی فوجیوں اور یہودی شرپسندوں کے حملوں میں فلسطین کی مساجد اور ان میں موجود آذان کے آلات بھی محفوظ نہیں رہے ہیں۔ گذشتہ روز یہودی شرپسندوں نے مقبوضہ مغربی کنارے کے جنوبی شہر الخلیل میں دورا کے مقام پر ایک مسجد میں گھس کر اس کی بےحرمتی کی اور مسجد میں لگے آذان کے آلات اور لاؤڈ اسپیکر توڑ دیے۔
فلسطین نیوز کو موصول ہونے والی اطلاعات کے مطابق نامعلوم یہودی شرپسندوں نے الخلیل میں دورا کے مقام پر واقع ایک مسجد میں گھس کر اس کی بے حرمتی کی۔ یہودی شرپسند کھڑکیوں سے مسجد میں داخل ہوئے۔ مسجد کے اندر داخل ہونے کے بعد لاؤڈ اسپیکر، مائک اور لاؤد اسپیکر Â توڑنے کے ساتھ مربوط کی گئی تاریں کاٹ دیں۔ بعد ازاں یہودی شرپسند کھڑکیوں کے شیشے توڑتے ہوئے وہاں سے فرار ہوگئے۔ عینی شاہدین نے یہودی آباد کاروں کو مسجد کے قریب سے یہودی کالونی کی طرف بھاگتے دیکھا۔