بیت لحم – (فلسطین نیوز۔مرکز اطلاعات) فلسطین کے مقبوضہ مغربی کنارے کے شہربیت لحم میں نحالین کے مقام پر یہودی شرپسندوں نے گذشتہ روزایک مقامی فلسطینی شہر کا زیتون کے ایک باغ پرحملہ کر کے دسیوں پھل دار پودے جڑوں سے اکھاڑ پھینکے۔
فلسطین نیوز کو موصول ہونے والی اطلاعات کے مطابق نحالین کے مقامی کسانوں کا کہنا ہے کہ یہودی آباد کاروں نے نے احمد محمد فنون نامی شہری کے باغ میں موجود کم سے کم 20 سے زاید پھل دار پودے اکھاڑ پھینکے۔باغ کے مالک کے بیٹے زکریا فنون نے بتایا کہ جس باغ کو صہیونی آباد کاروں نے باغ پر اس وقت حملہ کیا جب وہاں پر نگرانی کے لیے کوئی موجود نہیں تھا۔
انہوں نے بتایا کہ بیتل لحم شہر کے آس پاس اسرائیل کی کئی کالونیاں اور فوجی کیمپ قائم ہیں۔ یہ یہودی کالونیاں آہستہ آہستہ وسعت اختیار کرتی جا رہی ہیں۔ یہودی آباد کار ان کالونیوں کے قریب واقع فلسطینیوں کی اراضی کو ہتھیانے کے لیے حملے کرتے رہتے ہیں۔