غزہ (فلسطین نیوز۔مرکز اطلاعات) فلسطینی جمہوری محاذ برائے آزادی فلسطین کے عسکری ونگ قومی مزاحمتی بریگیڈ نے ایک بیان میں صیہونی دشمن کو خبردار کیا ہے کہ اگر اس دشمن نے غزہ کی پٹی پر چڑھائی کی حماقت کی تو غزہ کو دشمن فوج کا قبرستان بنا دیں گے۔
فلسطین نیوز کو موصول ہونے والی اطلاعات کے مطابق قومی مزاحمتی بریگیڈ کی طرف سے ’موت کی کمین گاہیں تمہاری منتظر ہیں‘ کے عنوان سے ایک ایک ویڈیو جاری کی ہے جس میں دشمن کو چیلنج کیا گیا ہے کہ اگر اس نے غزہ کی پٹی پر چڑھائی کی حماقت کی تو اسے اس کے سنگین نتائج بھگتنا ہوں گے۔فوٹیج میں تنظیم کے کارکنوں اور مجاھدین کو جدید اسلحہ اور بکتر بند گاڑیوں کو تباہ کرنے والے راکٹ اٹھائے دکھایا گیا ہے۔ بیان میں کہا گیا ہے کہ مجاھدین صیہونی دشمن کی جارحیت کا جواب دینے اور قوم کے دفاع کے لیے تیار ہیں۔ دشمن کو بھاری جانی نقصان سے دوچار کرنے کے لیے تمام جدید جنگی وسائل کو بھرپور طریقےسے استعمال کیا جائے گا۔