مقبوضہ بیت المقدس (فلسطین نیوز۔مرکز اطلاعات) فلسطین کے مقبوضہ بیت المقدس کے شمالی قصبے حزما میں شہید عریبہ چوک میں فلسطینی نقاب پوش نوجوانوں نے صیہونی آباد کاروں کی ایک بس پر سنگ باری کی جس کے نتیجے میں ایک آباد کار زخمی جبکہ بس کو غیرمعمولی نقصان پہنچا۔
فلسطین نیوز کو موصول ہونے والی اطلاعات کے مطابق عینی شاہدین نے بتایا کہ مشتعل فلسطینی نوجوانوں نے اسرائیلیÂ بس پر سنگ باری کی جس کے نتیجے میں بس کے شیشے ٹوٹ گئے۔ پتھراؤ سے خوف زدہ بس ڈرائیور نے گاڑی بھگانے کی کوشش جو ایک خطرناک حادثے کا شکار ہوتے ہوتے بال بال بچی تاہم سنگ باری کی زد میں آ کر ایک آباد زخمی ہوگیا۔زخمی صیہونی آباد کار اسرائیلی طبی امدادی ادارے ’ڈیوڈ کریسنٹ‘ کی ایمبولینس پر ڈال اسپتال منتقل کیا گیا۔
ایک عینی شاہد نے بتایا کہ فلسطینیوں کے پتھراؤ سے اسرائیل بس کا ڈرائیور زخمی ہوا ہے جسے علاج کے لیے اسپتال منتقل کردیا گیا۔
صیہونی بس پر سنگ باری کے بعد اسرائیلی فوج نے علاقے کو گھیرے میں لے کرسرچ آپریشن شروع کردیا۔ صیہونی فوج نے حزما قصبے کے جنوبی داخلی راستے سیل کرکے سرچ آپریشن شروع کردیا اور کئی گھنٹے تک شہریوں کی قصبے میں آمدو رفت معطل رہی۔