مسجد اقصیٰ میں نماز عشاء اور تراویح میں ہزاروں فلسطینی شریک

مقبوضہ بیت المقدس – (فلسطین نیوز۔مرکز اطلاعات) اسرائیلی فوج اور پولیس کی جانب سے بیت المقدس میں شہریوں کی قبلہ اوّل (مسجد اقصیٰ) تک رسائی روکنے کے لیے جگہ جگہ پابندیاں  اور رکاوٹیں کھڑی کی ہیں تاہم ان رکاوٹوں کےباوجود ہزاروں فلسطینی روزہ دار مسجد اقصیٰ میں عشاء اور ترویح کی نماز میں شرکت کررہے ہیں۔

فلسطین نیوز کو موصول ہونے والی اطلاعات کے مطابق پہلی اور دوسری نماز تراویح میں مسجد کا اندرونی حال اور بیرونی احاطے نمازیوں سے کھچا کھچ بھر گئے تھے۔ نماز کے لیے مسجد اقصیٰ کا مرکزی حال، المصلیٰ القبلی اور اس کے سامنے کے ہال مردوں کے لیے اور قبۃ الصخرۃ اور اس کا صحن خواتین نمازیوں کے لیے مختص کیے تھے تھے۔ اس موقع پر بڑی تعداد میں مرود خواتین نمازیوں نے عشاء اور تراویح کی با جماعت نماز ادا کی۔

نام نہاد سیکیورٹی فراہم کرنے کی آڑ میں اسرائیلی فوج اور پولیس کی بھاری نفری مسجد قصیٰ کے اطراف میں تعینات کی گئی تھی۔