مقبوضہ بیت المقدس – (فلسطین نیوز۔مرکز اطلاعات) مسجد اقصیٰ میں صہیونی آباد کاروں کے دھاووں اور اسرائیلی فوج کی طرف سے روز مرہ کی بنیاد پر مقدس مقام کی بے حرمتی کے جلو میں ایک اچھی خبر بھی سامنے آئی ہے۔ یہ منفرد خبر مسجد اقصیٰ کے تاریخی مقام قبۃ الصخرۃ پر ایک شادی کی پروقار تقریب کے اہتمام کی ہے۔
فلسطین نیوز کو موصول ہونے والی اطلاعات کے مطابق ایک فلسطینی جوڑے کی رسم نکاح قبۃ الصخرۃ کے مقام پر انجام پائی۔ رشتہ ازدواج میں منسلک ہونے والے دونوں میاں بیوی نے مسریٰ حبیب کبریا صلی اللہ علیہ وسلم اور حرمین شریفین کے بعد دنیا میں تیسرے مقدس ترین مقام پر شادی کی تقریب پر گہری مسرت اور خوشی کا اظہار کیا۔
قبۃ الصخرۃ کے مقام پر شادی کی تقریب میں دلہا اور دلہن کے اہل خانہ سمیت مقامی شہریوں کی بڑی تعداد شریک تھی۔