رام اللہ – (فلسطین نیوز۔مرکز اطلاعات) فلسطین میں سرکاری سطح پر جاری کردہ ایک رپورٹ میں بتایا گیا ہے کہی گذشتہ سال کی نسبت رواں سال فلسطین میں صہیونی آباد کاری میں چار گنا اضافہ ہوا ہے۔
فلسطین نیوز کو موصول ہونے والی اطلاعات کے مطابق تنظیم آزادی فلسطین کے زیرانتظام دفاع اراضی مرکز کی طرف سے جاری کردہ رپورٹ میں بتایا گیا ہے کہ امریکا کی جانب سے فلسطین میں صہیونی آباد کاری کی حوصلہ افزائی کے نتیجے میں گذشتہ ایک سال کے دوران صہیونی آباد کاری میں چار گنا اضافہ ہوا ہے۔رپورٹ کے مطابق اسرائیلی وزیراعظم بنجمن نیتن یاھو کے دفتر سے جاری کردہ ایک رپورٹ میں بتایا گیا ہے کہ سپریم پلاننگ کونسل کا سول ایڈمنسٹریشن کا ادارہ متوقع طور پر 3800 نئے مکانات کی تعمیر کی جلد منظوری دے گا۔ ان میں سے بیشتر مکانات غرب اردن کے علاقوں میں قائم صہیونی کالونیوں میں تعمیر کیے جائیں گے۔
رپورٹ میں بتایا گیا ہے کہ غرب اردن میں موجود کالونیوں میں مکانات صہیونی آباد کاروں کی رہائشی ضروریات کے لیے ناکافی ہیں۔ ھشومرون صہیونی کونسل کے چیئرمین یوسی ڈاگان کی درخواست پر مزید سیکڑوں مکانات تعمیر کئے جائیں گے۔
اسرائیل کے سرکاری اعدادو شمارکے مطابق حکومت رواں سال کے اختتام تک مزید 12 ہزار مکانات تعمیر کرنے کا ارادہ رکھتی ہے۔ اس طرح اگر یہ مکانات تعمیر کرنے کا عمل شروع کردیا گیا تھا غرب اردن میں صہیونی آباد کاری کے تناسب میں پچھلے سال کی نسبت 68 فی صد یا چار گنا اضافہ ہو جائے گا۔