فلسطینی صحافی کی بغیر مقدمہ چلائے حراست میں چوتھی بار تجدید

بیت لحم (فلسطین نیوز۔مرکز اطلاعات) اسرائیلی حکام نے زیرحراست ایک سرکردہ فلسطینی صحافی نضال ابو عکر کی انتظامی قید میں مسلسل چوتھی بارتوسیع کردی ہے۔

فلسطین نیوز کو موصول ہونے والی اطلاعات کے مطابق انسانی حقوق کے ذرائع کا کہنا ہے کہ اسرائیل کی ’عوفر’ فوجی عدالت نے 52 سالہ ابو عکر کی قید میں مسلسل چوتھی بار توسیع کی منظوری دی ہے۔ فوجی عدالت کی طرف سے یہ فیصلہ ملٹری پراسیکیوٹر کی سفارش پر کیا گیا۔

صحافی ابو عکر غرب اردن کے جنوبی شہر بیت لحم کے الدھیشہ پناہ گزین کیمپ کے رہائشی ہیں۔

اسرائیلی پراسیکیوٹرکی طرف سے عدالت میں دی گئی درخواست میں کہا گیا ہے کہ نضال ابو عکر عوامی محاذ برائے آزادی فلسطین کے سرکردہ عہدیدار ہے جو اسرائیل کی سلامتی کے لیے خطرہ ہے۔

خیال رہے کہ نضال ابو عکر کو اسرائیلی فوج نے گذشتہ برس اگست میں حراست میں لیا تھا۔ وہ سنہ 1982ء کے بعد سے اب تک 16 سال صیہونی زندانوں میں قید کاٹ چکے ہیں۔ ان میں 10 سال انتظامی حراست پر مشتمل ہے۔ ان کی طویل ترین انتظامی حراست سنہ 2002ء کے بعد شروع ہوئی جس کے دوران ان کی انتظامی قید میں 14 بار توسیع کی گئی اور انہیں  پانچ سال تک مسلسل قید میں رکھا گیا تھا۔