مقبوضہ بیت المقدس – (فلسطین نیوز۔مرکز اطلاعات) بیت المقدس کے ساکنوں کے ساتھ صیہونی فوجیوں کی جھڑپ میں دو صیہونی فوجی زخمی ہوگئے۔
فلسطین نیوز کو موصول ہونے والی اطلاعات کے مطابق فلسطینیوں اور صیہونی فوجیوں کے درمیان یہ جھڑپ جنوبی بیت المقدس کے سلوان ٹاون میں ہوئی۔نہتے فلسطینوں نے پتھروں اور پیٹرول بموں کے ذریعے جدید ترین اسلحہ سے لیس اسرائیلی فوجیوں کا مقابلہ کیا جس کے نتیجے میں دو صیہونی فوجی زخمی ہوگئے۔
دوسری جانب اطلاعات ہیں کہ اسرائیلی فوجیوں نے منگل کی صبح رام اللہ، قلقیلیا، اور الخلیل سے پندرہ فلسطینیوں کو اغوا کرلیا ہے۔
ایک اور اطلاع کے مطابق صیہونی فوجیوں نے بیت المقدس شہر میں زیر تعمیر ایک فلسطینی شہری کے گھر کو بلڈوزوں کے ذریعے مسمار کردیا ہے۔