مقبوضہ بیت المقدس (فلسطین نیوز۔مرکز اطلاعات) اسرائیل کے عبرانی ذرائع ابلاغ نے انکشاف کیا ہے کہ حکومتی مشیر نے مقبوضہ مغربی کنارے میں صیہونیوں کو بسانے کے لیے ایک نئی کالونی قائم کرنے کی منظوری دی ہے۔
فلسطین نیوز کو موصول ہونے والی اطلاعات کے مطابق ’حفات گبعاڈ‘ نامی صیہونی کالونی کے قیام کے لیے غرب اردن میں زمین کی کھدائی اور اسے ہم وار کرنے کا سلسلہ شروع کردیا گیا ہے۔ اسرائیلی وزارت قانون کی طرف سے ایک خصوصی ٹیم بھی تشکیل دی گئی ہے جو مذکورہ مقام تک رسائی کے لیے سڑک کی تعمیر کی جائزہ رپورٹ تیار کرے گی۔عبرانی ٹی وی 10 کے مطابق دو حکومتی وزیروں نفتالی بینٹ اور اییلت شاکیڈ نے بتایا ہے کہ وزیر قانون منڈلبیلٹ نے غرب اردن میں نئی کالونی قائم کرنے کی منظوری دی ہے مگر اس تجویز پرآئندہ اتوار کو کابینہ کے اجلاس میں بھی غور کیا جائے گا۔
رپورٹ کے مطابق صیہونی ریاست کالونی کے قیام کے لیے استعمال ہونے والی اراضی کے قانون پہلوؤں کا جائزہ لے رہی ہے۔