رام اللہ – (فلسطین نیوز۔مرکز اطلاعات) متحدہ عرب امارات میںÂ عرب دنیا کی سطح پر’کتب کے مطالعے‘ کے حوالے سے ہونے والےÂ مقابلے میں ایک فلسطینی دوشیزہ کو مقابلے کی فاتح قرار دیا گیا ہے۔
فلسطین نیوز کو موصول ہونے والی اطلاعات کے مطابق ’عرب ریڈنگ چیلنج‘ میں 25 عرب ممالک کے 74 لاکھ طلباء وطالبات نےحصہ لیا تھا۔ مقابلے میں عرب دنیا کے ممتاز اسکولوں میں بحران کے ’الایمان اسکول‘ کو وطن عربی کا بہترین اسکول قرار دیا گیا ہے۔گذشتہ روز متحدہ عرب امارات کے شہر دبئی میں منعقدہ مقابلے کی آخری تقریب میں فلسطینی طالبہ عفاف راید شریف کو ’عرب ریڈنگ چیلنج‘ کی ہیروئن قرار دیا گیا۔ آخری اور حتمی مقابلے میں 16 طلباء طالبات نے حصہ لیا، جب کی بہترین اسکول کے مقابلے میں چھ اسکول شامل تھے۔ تقریب میں متحدہ عرب امارات کے نائب صدر اور حاکم دبئی الشیخ محمد بن راشد آل مکتوم بھی موجود تھے۔ فیصلہ کن مقابلے میں الجزائر، بحرین، سلطنت اومان، فلسطین، موریتنانیہ، لبنان، کویت، اردن، سوڈان، تیونس، سعودی عرب ، مراکش اور متحدہ عرب امارات شامل تھے۔
ان 16Â طلباء و طالبات کا انتخاب مقابلے میں حصہ لینے والے 74 لاکھ طلباء طالبات اور 6 اسکولوں کا 41 اسکولوں میں چناؤ کیا گیا تھا۔
خیال رہے کہ ‘عرب ریڈنگ چیلنج‘ پروگرام متحدہ عرب امارات کے نائب صدر الشیخ محمد بن راشد نے ستمبر 2015ء میں شروع کیا۔ اس مقابلے کا مقصد عرب دنیا میں طلباء طالبات میں کتاب بینی کا ذوق پیدا کرنا اور آنے والی عرب نسلوں کو کتاب سے جوڑنا تھا۔
رواں سال ہونے والے مقابلے میں پچیس عرب ممالک کے 74 لاکھ طلباء طالبات نے حصہ لیا۔ اتنی کثیر تعداد کا مقابلے میں شامل ہونا اس پروگرام کی کامیابی کی دلیل ہے۔
عرب ریڈنگ چیلنج اپنی نوعیت کا منفرد پروگرام ہے جس نے عرب دنیا کے طلباء طالبات کو مطالعے اور کتاب کے ساتھ منظم انداز میں اپنا تعلق قائم کرنے کا موقع فراہم کیا ہے۔
دوسریÂ جانب فلسطینی وزیر تعلیم صبری صیدم نے عفاف الشریف کی کامیابی کو پوری فلسطینی قوم کے لیے باعث اعزاز قرار دیا ہے۔ ان کا کہنا ہے کہ فلسطین کی بیٹی نے ایک بار پھر یہ ثابت کیا ہے کہ فلسطینی قوم ہرمیدان میںÂ آگے ہے۔ عفاف الشریف کی محنت فلسطین کی نئی نسل بالخصوص طلباء کے لیے بہترین نمونہ ہے۔