قلقیلیہ (فلسطین نیوز۔مرکز اطلاعات) صیہونی فوج نے فلسطین کے علاقے غرب اردن کے شمالی شہر قلقیلیہ میں عزون کے مقام پر گھر گھرتلاشی کی کاررائیوں کے لیے کرفیو لگا دیا۔
فلسطین نیوز کو موصول ہونے والی اطلاعات کے مطابق مقامی ذرائع نے بتایا کہ اسرائیلی فوج کی بھاری نفری نے عزون قصبے کا محاصرہ کیا اور فلسطینی قصبے کے تمام داخلی اور خارجی راستے بند کر دیے۔ذرائع کے مطابق صیہونی فوج نے قصبے کے شمالی اور مغربی راستوں پر کڑی پابندیاں عائد کر کے شہریوں کے گھروں سے نکلنے پر پابندی لگا دی۔ اسرائیلی فوج کے کرفیو کے باعث گاؤں سے باہر رہنے والے شہری پھنس کر رہ گئے۔ کرفیو لگانے کے بعد اسرائیلی فوج نے گھر گھر تلاشی کا سلسلہ شروع کر دیا۔