سلفیت (فلسطین نیوز۔مرکز اطلاعات) فلسطین کے مقبوضہ غرب اردن کے شہر سلفیت میں وادی قانا کے مقام پر صیہونی آباد کاروں نے ایک فلسطینی اسکول بس پر سنگ باری کی جس کے نتیجے میں بس کے شیشے ٹوٹ گئے اور اس میں سوار متعدد بچے زخمی ہوگئے۔
فلسطین نیوز کو موصول ہونے والی اطلاعات کے مطابق مقامی فلسطینی ذرائع نے بتایا کہ صیہونی آباد کار اپنی گاڑیوں پر سوار تھے۔ انہوں نے بچوں کو اسکول سے واپس لانے والی بس پر سنگ باری شروع کردی جس کے نتیجے میں بس کے شیشے ٹوٹ گئے اور متعدد بچے زخمی ہوئے ہیں۔ذرائع کا کہنا ہے کہ یہ واقعہ سلفیت کے مغرب میں دیر استیا کے مقام پر پیش آیا۔ صیہونی آباد کاروں کی سنگ باری سے فلسطینی بچے سخت خوف کا شکار ہوئے۔ صیہونیوں نے دیر تک فلسطینی اسکول بس روکے رکھی۔