الخلیل (فلسطین نیوز۔مرکز اطلاعات) فلسطین کے مقبوضہ مغربی کنارے میں ایک صیہونی آباد کار نے ایک تیرہ سالہ فلسطینی بچی پر وحشیانہ تشدد کیا، جس کے بعد صیہونی فوج نے مضروبہ کو حراست میں لے لیا۔
فلسطین نیوز کو موصول ہونے والی اطلاعات کے مطابق 13 سالہ جملات ابراہیم محمد ابو قبیطہ کو بدھ کی شام منیزل یطا کے مقام پر تشدد کا نشانہ بنایا جس کے نتیجے میں وہ شدید زخمی ہو گئی۔ مقامی سماجی کارکن رات الجبور نے کہا کہ جملات ابوقبیطہ کو اس وقت تشدد کا نشانہ بنایا گیا جب وہ اپنے گھر کے قریب سے دکان سے واپس گھر لوٹ رہی تھی۔الجبور نے بتایا کہ صیہونی آباد کاروں نے جملات کو تشدد کا نشانہ بنانے کے بعد اسے اسرائیلی فوج کے حوالے کر دیا۔ الجبور کا کہنا ہے کہ فلسطینی بچوی کو’میزبی یائر‘ صیہونی کالونی کے آباد کار نے وحشیانہ تشدد کا نشانہ بنایا۔