مقبوضہ بیت المقدس – (فلسطین نیوز۔مرکز اطلاعات) فلسطین کے مقبوضہ شمالی شہر اللد میں صہیونی فوج نے غنڈہ گردی اور بدمعاشی کا مظاہرہ کرتے ہوئے فلسطینی شہریوں کے مزید تین مکانات ملبے کا ڈھیر بنا دیے ہیں۔ جس کے نتیجے میں مزید کئی فلسطینی خاندان بے گھر ہوگئے ہیں۔
فلسطین نیوز کو موصول ہونے والی اطلاعات کے مطابق گذشتہ روز اسرائیلی فوج اور اللد شہر کی صہیونی بلدیہ نے بلڈوزروں کی مدد سے بیت المقدس کے شمال مغرب میں 38 کلو میٹر دور اللد شہر میں فلسطینیوں کے تین مکانات بلڈوز کردیے جس کے نتیجے میں مزید فلسطینی شہری صہیونی انتظامیہ کی غنڈی گردی کے نتیجے میں گھر کی چھت سے محروم ہوگئے ہیں۔مقامی فلسطینی ذرائع نے بتایا کہ صہیونی فوج اور انتظامیہ نے اللد شہر کی کرم التفاض کالونی کا محاصرہ کیا جس کے بعد اس کالونی میں واقع فلسطینیوں کے تین مکانات مسمار کردیے گئے۔
ان تینوں مکانوں میں الشعابین قبیلے کے کئی خاندان آباد تھے جن کے بچوں، بوڑھوں اور خواتین کو مکان کی چھت سے محروم کردیا گیا۔