مقبوضہ بیت المقدس – (فلسطین نیوز۔مرکز اطلاعات) فلسطین کے مقبوضہ بیت المقدس شہر میں ایک صہیونی شرپسند مسجد اقصیٰ کے قریب سلوان کے مقام پر چار فلسطینی بچوں کو اپنی گاڑی تلے روند کر فرار ہوگیا۔ گاڑی کی ٹکر سے چاروں بچے شدید زخمی ہوگئے جنہیں علاج کے لیے اسپتال لے جایا گیا ہے۔
مقامی فلسطینی ذرائع کا کہنا ہے کہ صہیونی آباد کار نے سلوان کے مقام پر ایک سڑک پر گاڑی چلاتے ہوئے مختلف واقعات میں چار بچوں کو کچلنے کر شہید کرنے کی کوشش کی۔
عینی شاہدین کا کہنا ہے صہیونی آباد کار دانستہ طور پر گاڑی فلسطینی بچوں پر چڑھاتا رہا ہے، جس کے نتیجے میں چار بچے زخمی ہوئے۔ صہیونی شرپسند فلسطینی بچوں کو کچل کر خود گاڑی سمیت فرار ہوگیا۔
زخمی ہونے والے چاروں بچے اسپتال داخل کردیے گئے ہیں۔