فلسطین نیوز کو موصول ہونے والی اطلاعات کے مطابق عبرانی نیوز ویب پورٹل ’’وللا‘‘ نے اپنی رپورٹ میں بتایا ہے کہ اسرائیلی داخلی سلامتی کے خفیہ ادارے’شاباک‘ اور فلسطینی اتھارٹی کے انٹیلی جنس حکام نے حماس کے کارکنان کے خلاف کئی مشترکہ کریک ڈاؤن آپریشن کیے ہیں جن میں جماعت سے وابستہ دسیوں کارکنوں کو گرفتار کرکے حراستی مراکز میں منتقل کیا گیا ہے۔
نیوز ویب پورٹل میں دعویٰ کیا گیا ہے کہ حماس کے گرفتار کارکنان میں بیشتر مزاحمتی منصوبہ بندی کرنے والے مشتبہ مزاحمت کار بھی شامل ہیں جنہیں گرفتار کرکے اسرائیلی فوج اور دیگر سرکاری تنصیبات پرحملوں کی کوششیں ناکام بنائی گئی ہیں۔
رپورٹ میں کہا گیا ہے کہ فلسطینی ملیشیا اور اسرائیلی فوج نے مل کر حماس سے وابستہ مزاحمت کاروں کی گرفتاریوں سے اسرائیلی تنصیبات، فوج اور یہودی آباد کاروں پرحملوں کی کوششیں ناکام بنائی گئی ہیں۔
رپورٹ کے مطابق حالیہ ایام میں حماس کی جانب سے غرب اردن میں اسرائیلی فوج پرحملوں کی بڑی تعداد میں منصوبہ بندی کی گئی تھی مگر پولیس نے اسرائیلی تنصیبات پرحملوں کو ناکام بنا دیا۔
حماس سے وابستہ ایک خفیہ سیل سے وابستہ پانچ حماس کارکنوں میں سے تین فلسطینی اتھارٹی کے قبضے میں ہیں جب کہ دو کو اسرائیلی فوج نے حراست میں لے رکھا ہے۔