جنین – (فلسطین نیوز۔مرکز اطلاعات) اسرائیلی حکام نے دو فلسطینی شہریوں کو طویل قید کے بعد جیلوں سے رہا کیا ہے۔ رہائی پانے والے ایک فلسطینی کا تعلق غرب اردن کے شمالی شہر جنین کے یعبد قصبے سے جب کہ دوسرے کا جنین پناہ گزین کیمپ سے بتایا جاتا ہے۔
رہائی کے بعد دونوں کے گھروں میں شاندار استقبال کیا گیا اور عوام کی بڑی تعداد مبارک باد دینے ان کے گھروں پر جمع ہوگئی۔فلسطین نیوز کو موصول ہونے والی اطلاعات کے مطابق رہائی پانے والے 52 سالہ حسام محمد حمدونی یعبد قصبے کے رہائشی ہیں۔ انہیں 14 سال قید کے بعد رہا کیا گیا۔
دوسرے فلسطینی57 سالہ خالد ابو زینہ ہیں جن کا تعلق اسلامی جہاد کے ساتھ ہے اور وہ اڑھائی سال قید کے بعد رہا کیے گئے ہیں۔