مقبوضہ بیت المقدس (فلسطین نیوز۔مرکز اطلاعات) اسرائیلی ذرائع ابلاغ نے مقبوضہ بیت المقدس میں ایک وسیع وعریض صیہونی معبد کے قیام کے حکومتی منصوبے کا انکشاف کیا ہے۔
فلسطین نیوز کو موصول ہونے والی اطلاعات کے مطابق حکومت اور بیت المقدس کی اسرائیلی بلدیہ نے القس میں جبل زیتون کی چوٹی پر راس العامود کے قریب ایک وسیع وعریض معبد کے قیام پر کام شروع کیا ہے۔عبرانی جریدے کے مطابق مذکورہ معبد کے لیے 2000 مربع میٹر کی جگہ مختص کی گئی ہے۔ اس کی تکمیل پر 1ارب شیکل کی رقم خرچ کی جائے گی۔ رقم کا زیادہ تر حصہ فنڈ ریزنگ ذریعے جمع کیاÂ جائے گا۔
مغربی صیہونی گروپ ’اشکنزئی‘کے لیے تعمیر کیے جانے والے اس معبد کے دو الگ الگ بلاک ہوں گے جن کی چار منزلیں ہوں گی۔ ان میں سے ایک حصہ مشرقی صیہونیوں سفردیم کے لیے مختص کیا جائے گا۔ اسی صیہونی عبادت گاہ میں ایک مذہبی درسگاہ بھی قائم کی جائے گی جہاں صیہونی طلباء کو مذہبی تعلیمات دی جائیں گی۔
یہ معبد معالیہ زیتیم کالونے کے اندر ہوگا۔ اس کالونی میں 130 صیہونی خاندان آباد ہیں۔ اس عبادت گاہ کو قرب وجوار میں موجود دیگر کالونیوں کے صیہونی بھی استعمال کریں گے۔