رام اللہ – (فلسطین نیوز۔مرکز اطلاعات) اسرائیل کی ایک فوجی عدالت کی جانب سے حراست میں لیے گئے کئی فلسطینی شہریوں کو قید اور جرمانہ کی سزائیں سنائی گئی ہیں۔
فلسطین نیوز کو موصول ہونے والی اطلاعات کے مطابق اسرائیل کی فوجی عدالت ’’عوفر‘‘ کی جانب سے حرات میں لیے گئے فلسطینی محمود فوزی کو 64 ماہ قید اور 3000 شیکل جرمانہ کی سزا سنائی۔ اس کے علاوہ اسیر جمال النمورہ کو 45 ماہ قید اور 3000 شیکل جرمانہ جب دو اسیران الخطیب اور محمد شبلی کو 24 ماہ قید اور 2000 شیکل جرمانہ کی سزا سنائی گئی۔صہیونی فوجی عدالت کی طرف سے اسیر آدم شحادہ کو 21 ماہ قید اور3000 شیکل جرمانہ ، محمد ابو خضیر کو 17 ماہ قید اور 2000 شیکل جرمانہ اور محمود ابو غازی کو 16 ماہ قید اور 2000 شیکل جرمانہ کی سزا سنائی گئی۔