اسرائیل اور امریکا، مسلمان ممالک کے اختلافات کا فائدہ اٹھا رہے ہیں: حسن روحانی

نئی دہلی (فلسطین نیوز۔مرکز اطلاعات) ایران کے صدر حسن روحانی نے اپنے دورہ بھارت کے دوران اپنے خطاب میں کہا ہے کہ مسلمانوں کے درمیان اتحاد کی کمی کا فائدہ اٹھاتے ہوئے اسرائیل اور امریکا ان کے خلاف سازشیں کرتے ہیں۔ ان کا کہنا ہے کہ مسلمان ملکوں کی باہمی کشمکش سے فلسطین ہمارے ہاتھ سے نکل رہا ہے۔

فلسطین نیوز کو موصول ہونے والی اطلاعات کے مطابق حیدرآباد کی تاریخی مکہ مسجد میں خطاب کرتے ہوئے حسن روحانی نے کہا کہ ‘اگر ہم مسلمانوں میں اتحاد ہوتا تو امریکی صدر کی کبھی بھی ہمت نہ ہوتی کہ وہ مقبوضہ بیت المقدس کو اسرائیل کا دارالحکومت قرار دینے کا اعلان کرتا۔’ انہوں نے کہا کہ القدس کے خلاف امریکی ، صیہونی سازشوں کو ناکام بنانے کے لیے مسلمان ممالک کو ایک موقف اختیار کرتے ہوئے پوری قوت سے اس کا دفاع کرنا ہوگا۔