مقبوضہ النقب – (فلسطین نیوز۔مرکز اطلاعات) اسرائیلی فوج اور مقامی انتظامیہ نے فلسطین کے جزیرہ نما النقب کےÂ جنوب میں فلسطینی شہریوں کے دو مکانات غیرقانونی قرار دے کر مسمار کردیے۔
فلسطین نیوز کو موصول ہونے والی اطلاعات کے مطابق صیہونی فورسز نے جزیرہ نما النقب کے علاقے وادی النعم میں فلسطینی شہریوں کے دو گھر غیرقانونی قرار دے کر انہیں مسمار کرڈالا۔خیال رہے کہ اس کالونی میں رہائش پذیر فلسطینی عرب شہریوں کی تعداد 15 ہزار سے زائد ہے۔ صیہونی ریاست اس بستی کو غیرقانونی قرار دیتی ہے۔
اسرائیلی فوج نے جزیرہ النقب میں نہ صرف دو گھر مسمار کرڈالے بلکہ الزرنوق قصبے میں فلسطینیوں کی زمین کے گرد لگائی گئی حفاظتی باڑ بھی مسمار کردی۔
وادی النعم کی مقامی کمیٹی کے چیئرمین یوسف الزیادین نے بتایا کہ مقامی فلسطینی شہریوں کی گھروں کی مسماری، آبادی کو زدو کوب کرنا، ڈرانا دھمکانا اور انہیں علاقہ بدر کرنے کی سازشیں روز کا معمول بن چکی ہیں۔
گذشتہ روز بھی صیہونی فوج نے دو فلسطینی خاندانوں کے گھر بلڈوزروں کی مدد سے مسمار کردیے اور یہ دعویٰ کیا کہ دونوں مکانات صیہونی حکام کی اجازت کے بغیر تعمیر کیے گئے تھے۔
الزیادین کا کہنا ہے کہ مکانات کی مسماری کے مناظر ننھے منھے فلسطینی بچوں نے بھی اپنی آنکھوں سے دیکھے۔ بچوں کی نفسیات پر بھی اس طرح کی کارروائیوں کے غیرمعمولی منفی اثرات مرتب ہوتے ہیں۔
ان کا کہنا ہے کہ فلسطینی شہریوں کے مکانات اور املاک کی مسماری صیہونی ریاست کی بد ترین نسل پرستی اور فلسطینی آبادی پر نفسیاتی تشدد ہے۔