اسرائیلی فوج کے ساتھ جھڑپوں میں پانچ فلسطینی زخمی

قلقیلیہ – (فلسطین نیوز۔مرکز اطلاعات) صہیونی فوج اور فلسطینی شہریوں کے درمیان مقبوضہ مغربی کنارے کے شمالی شہر قلقیلیہ میں ہونے والی جھڑپوں میں کم سے کم پانچ فلسطینی زخمی ہوگئے۔

فلسطین نیوز کو موصول ہونے والی اطلاعات کے مطابق فلسطینی ایمرجنسی ایمبو لینس سروسز کے ڈائریکٹر منذر نزال نے بتایا کہ اسرائیلی فوج کی فائرنگ سے تین فلسطینی زخمی ہوئے جنہیں فوری طبی امداد فراہم کرنے کےبعد اسپتالوں میں منتقل کیا گیا ہے۔ اسی قلقیلیہ ہی میں فلسطینی شہریوں اور اسرائیلی فوج کے درمیان  جھڑپ میں دو فلسطینی آنسوگیس کی شیلنگ سے زخمی ہوئے۔