رام اللہ (فلسطین نیوز۔مرکز اطلاعات) اسرائیلی فوج کی جانب سے فلسطین کے مقبوضہ مغربی کنارے اور بیت المقدس میں گھر گھر تلاشی کی کارروائیوں کے دوران متعدد فلسطینیوں کو حراست میں لے لیا گیا ہے۔ دوسری جانب صیہونی فوج نے غنڈہ گردی کا مظاہرہ کرتے ہوئے شہید فلسطینی کی ماں اوربہن کے ساتھ توہین آمیز سلوک کے بعد انہیں حراست میں لے لیا۔
فلسطین نیوز کو موصول ہونے والی اطلاعات کے مطابق مقامی فلسطینی ذرائع نے بتایا کہ اسرائیلی فوج نے ریاستی دہشت گردی اور شہریوں کو ہراساں کرنے کا سلسلہ آج بدھ کو بھی جاری رکھا۔ اسرائیلی فوج گھروں میں گھس کر نہتے بچوں اور خواتین کو زدو کوب کرتی رہی۔صیہونی فوج نے غرب اردن کے شمالی شہر طوباس سے احمد فائز دراغمہ کو حراست میں لے لیا۔ مقامی شہریوں کا کہنا ہے کہ احمد دراغمہ زخمی ہیں۔
بیت لحم میں ایک کارروائی کے دوران نحالین کے مقام پر چھاپے مار کر علی محمد شکارنہ کو حراست میں لے لیا۔
بیت المقدس میں اسرائیلی فوج نے شہید محمد شمسانہ کے گھر میں گھس کراس کی معمر والدہ اور 14 سالہ ہمشیرہ کو حراست توہین آمیز سلوک کا نشانہ بنانے کے بعد حراست میں لے لیا۔