رام اللہ – (فلسطین نیوز۔مرکز اطلاعات) اسرائیلی فوج نے فلسطین کے مقبوضہ مغربی کنارے کے وسطی شہر رام اللہ سے تحریک فتح کے ایک مقامی رہنما کو حراست میں لینے کے بعد نامعلوم مقام پر منتقل کردیا۔
فلسطین نیوز کو موصول ہونے والی اطلاعات کے مطابق صہیونی فوج نے ایک چھاپہ مارا کارروائی میں رام اللہ کے شمال مغربی قصبے النبی الصالح میں تحریک فتح کے سیکرٹری مجد ضیف اللہ التمیمی کوحراست میں لے لیا۔عینی شاہدین کا کہنا ہے کہ اسرائیلی فوج نے کئی گھنٹے تک النبی الصالح قصبے کے متعدد دیگر فلسطینیوں کو بھی حراست میں لیے رکھا۔ بعد ازاں ضیف اللہ التمیمی کو نامعلوم مقام پر منتقل کردیا گیا ہے۔
خیال رہے کہ غرب اردن کے مختلف علاقوں میں اسرائیلی فوج کی جانب سے فلسطینی شہریوں کی روز مرہ کی بنیاد پر گرفتاریاں روز کا معمول ہیں۔