مقبوضہ بیت المقدس (فلسطین نیوز۔مرکز اطلاعات) اسرائیلی حکومت نے بیت المقدس میں قائم کی گئی 70 صیہونی کالونیوں کو آئینی جواز فراہم کرنے کا ایک خفیہ منصوبہ تیار کیا ہے۔
فلسطین نیوز کو موصول ہونے والی اطلاعات کے مطابق اسرائیل کے نائب وزیر دفاع نے جیوش ہوم پارٹی کے لیڈروں سے بات کرتے ہوئے کہا کہ حکومت غرب اردن میں صیہونی آباد کاروں کی جانب سے اپنے طورپر تعمیر کی گئی 70 صیہونی کالونیوں کو آئینی قرار دینے کے پروگرام کی نگرانی کررہی ہے۔خیال رہے کہ اسرائیل کی دائیں بازو کی جماعتوں کے حمایت یافتہ صیہونی آباد کاروں نے 2000ء کے بعد غرب اردن میں 100 سے زائد صیہونی کالونیاں حکومت کی اجازت کے بغیر تعمیر کی تھیں۔ اس کے علاوہ 150 دیگر صیہونی کالونیاں تعمیر کی گئی ہیں۔