رام اللہ – (فلسطین نیوز۔مرکز اطلاعات) اسرائیل کی جزیرہ نما النقب کی جیل میں پابند سلاسل Â اسلامی تحریک مزاحمت ’حماس‘ کے 30 اسیر کارکنوں نے جماعت کے ایک رہنما کے ساتھ اظہار یکجہتی کے طور پر بھوک ہڑتال شروع کی ہے۔
فلسطین نیوز کو موصول ہونے والی اطلاعات کے مطابق حماس کے شعبہ امور اسیران کی طرف سے جاری کردہ ایک بیان میں بتایا گیا ہے کہ ’جزیرہ نما النقب‘ جیل میں قید Â حماس کے 30 اسیران نے گذشتہ روز جماعت کے رہنما منتصر شدید کی ’مجد‘ جیل منتقلی اور ان کے بھوک ہڑتال کے اعلان کے بعد بھوک ہڑتال شروع کی۔
خیال رہے کہ منتصر شدید کو اسرائیلی فوج نے دو روز قبل النقب جیل سے مجد نامی قید خانے منتقل کردیا تھا جس کے خلاف انہوں نے بہ طور احتجاج بھوک ہڑتال شروع کی تھی۔ گذشتہ روز النقب جیل میں قید حماس کے تیس ارکان نے بھوک ہڑتال شروع کی ہے۔
ادھر انسانی حقوق کی تنظیموں کے مطابق حماس کے اسیر کارکنوں کی طرف سے بھوک ہڑتال شروع کئے جانے کے بعد النقب جیل میں کشیدگی پائی جاتی ہے۔ اسرائیلی فوج کے کمانڈوز نے جیل پر دھاوا بولا Â اور بھوک ہڑتال کرنے والے اسیران کو زدو کوب کیا ہے۔