مقبوضہ بیت المقدس – (فلسطین نیوز۔مرکز اطلاعات) فلسطین میں انسانی حقوق کی تنظیموں کی طرف سے فراہم کردہ رپورٹس میں بتایا گیا ہے کہ صیہونی عدالتوں سے 10 روز میں 22 بے گناہ فلسطینیوں کو بغیر کسی الزام کے جیلوں میں ڈالنے کے احکامات دیے گئے۔
فلسطین نیوز کو موصول ہونے والی اطلاعات کے مطابق ’کلب برائے اسیران‘ کی رپورٹÂ میں کہا گیا ہے کہ 15 سے25 اکتوبر کے دوران صیہونی عدالتوں نے 22 فلسطینیوں کو انتظامی حراست کی پالیسی کے تحت جیلوں میں ڈالنے کے احکامات دیے۔رپورٹ میں کہا گیا ہے کہ انتظامی حراست کے تحت جیلوں میں منتقل کیے گئے فلسطینیوں میں ایک خاتون خدیجہ جبریل ربعی بھی شامل ہے جسے تین ماہ کے لیے پابند سلاسل کیا گیا۔ ربعی پانچ بچوں کی ماں ہے اور اس پر کوئی الزام بھی عائد نہیں کیا گیا۔ اس دوران فلسطینی شہریوں کو تین سے چھ ماہ کے لیے انتظامی قید کی سزائیں دی گئیں۔
انتظامی حراست کی پالیسی کے تحت پابند سلاسل کیے گئے فلسطینیوں میں 11 کا تعلق رام اللہ ، چھ الخلیل، دو طولکرم، ایک جنین اور بیت لحم اور قلقیلیہ سے ایک ایک فلسطینی شاملÂ ہے۔
خیال رہے کہ اسرائیلی جیلوں میں نام نہاد انتظامی قید کے تحت 500 فلسطینی پابند سلاسل ہیں۔