الخلیل (فلسطین نیوز۔مرکز اطلاعات) فلسطین کے مقبوضہ مغربی کنارے کے جنوبی شہر الخلیل میں ایک صیہونی دہشت گرد نے اٹھارہ سالہ فلسطینی نوجوان کو گولیاں مار کر شہید کردیا۔
فلسطین نیوز کو موصول ہونے والی اطلاعات کے مطابق بدھ کو علی الصباح الخلیل کے نواحی علاقے بیت امر میں عنوہ کے مقام پر ایک صیہونی آباد کار نے فلسطینی نوجوان کو اس وقت گولیاں ماریں جب اس نے’کرمیسٹور‘Â کالونی کے ایک سیکیورٹی اہلکار پر چاقو سے حملہ کیا۔ حملے میں صیہونی آباد کار زخمی ہوگیا مگر اس نے جوابی فائرنگ میں فلسطینی نوجوان کو شہید کردیا۔عبرانی ویب پورٹل ’وللا‘ کے مطابق ایک فلسطینی نوجوان اپنی گاڑی پر ’کرمیسٹور‘ صیہونی کالونی کے داخلی گیٹ پر پہنچا اور اس وہاں پر موجود ایک اہلکار کو چاقو گھونپ دیا۔ اس کارروائی میںÂ صیہونی آباد کار زخمی ہوا ہے جب کہ صیہونی آباد کار نے فائرنگ کردی جس کے نتیجے میں فلسطینی نوجوان موقع پر ہی دم توڑ دیا۔
اسرائیلی فوج اور پولیس نے فوری طور پر جائے وقوعہ کو گھیرے میں لے کر شہید فلسطینی کا جسد خاکی بھی قبضے میں لے لیا۔ زخمی صیہونی آباد کار کو اسپتال منتقل کیا گیا ہے۔
ادھر فلسطینی وزارت صحت نے شہید فلسطینی کی شںاخت ھمزہ زماعرہ کے نام سے کی ہے جس کی عمر 18 سال بتائی جاتی ہے۔ وہ 14 ماہ تک اسرائیلی زندانوں میں قید بھی کاٹ چکا ہے۔