نابلس – (فلسطین نیوز۔مرکز اطلاعات) فلسطین کے مقبوضہ مغربی کنارے اور وادی اردن میں صہیونی فوج نے انتقامی کارروائیوں کے دوران 15 فلسطینی خاندان بے گھر کردیے ہیں۔
فلسطین نیوز کو موصول ہونے والی اطلاعات کے مطابق انسانی حقوق کے کارکنان کی طرف سے جاری کردہ ایک بیان میں کہا گیا ہے کہ شدید سردی کے موسم میں وادی اردن میں ابزیق کے مقام پر صہیونی حکام نے 15 فلسطینی خاندانوں کو بے گھر کردیا ہے۔انسانی حقوق کے اداروں کا کہنا ہے کہ اسرائیلی حکام نے شدید سردی کے موسم میں گھروں سے نکال دیا۔ صہیونی فوج کی طرف سے جاری کردہ ایک بیان کہا گیا ہے کہ فلسطینیوں کو ان کے گھروں سے اس لیے نکالا گیا ہے تاکہ وہاں پر فوجی مشقیں کی جاسکیں۔
مقامی ذرائع کے مطابق فلسطینی شہری کئی دن تک اپنے گھروں سے باہر شدید سردی میں رہیں گے۔