غزہ – (فلسطین نیوز۔مرکز اطلاعات) اسرائیلی فوج نے چودہ سال تک قید وبند میں رکھنے کے بعد ایک فلسطینی شہری کو گذشتہ روز رہا کر دیا۔
فلسطین نیوز کو موصول ہونے والی اطلاعات کے مطابق 34 سالہ احمد مصطفیٰ زقوت کا تعلق غزہ کی پٹی سے ہے اور وہ چودہ سال بعد اسرائیل کی ریمون جیل سے رہا ہوئے ہیں۔جمعرات کو زقوت غزہ کی پٹی اور غرب اردن کے درمیان بیت حانون گذرگاہ پر پہنچے جہاں غزہ کی طرف ان کے استقبال کے لیے بڑی تعداد میں ان کے اقارب اور دیگر شہری جمع تھے۔ بعد ازاں انہیں ایک قافلے کی شکل میں غزہ میں النصیرات کیمپ لایا گیا۔ زقوت کو اسرائیلی فوج نے 22 اکتوبر 2002ء کو غزہ کی پٹی سے حراست میں لیا تھا۔ اس پر فلسطینی مزاحمتی تنظیموں سے وابستگی اور اسرائیل کے خلاف مزاحمتی کارروائیوں میں حصہ لینے کے الزام میں مقدمہ چلایا گیا اور چودہ سال قید کی سزا سنائی گئی تھی۔