فلسطین نیوز کو موصول ہونے والی اطلاعات کے مطابق دو روز قبل مقبوضہ مغربی کنارے کے شہر الخلیل میں فلسطینیوں کے احتجاجی مظاہرے کے دوران 23اسرائیلی فوجیوں نے ایک چودہ سالہ فلسطینی بچے فوزی الجنیدی کو ایسے گرفتار کیا جیسے وہ کوئی انتہائی خطرناک عالمی دہشت گرد ہو۔
فلسطینی بچے کی گرفتاری کی اس وحشیانہ کارروائی کو خفیہ کیمروں نے محفوظ کرلیا جسے کے بعد اسے سوشل میڈیا پر پوسٹ کیا گیا ہے۔ تصویر میں گرفتار فلسطینی بچے کی آنکھوں پر پٹی باندھ رکھی ہے اور اس کے ہاتھ پشت پر باندھے گئے ہیں۔ اس کے اطراف میں 23 اسرائیلی فوجی کھڑے ہیں اور وہ الجنیدی کی گرفتاری کو اپنا بہت بڑا کارنامہ قرار دیتے ہیں۔
وسطی ترکی میں ایک اجتماع سے خطاب کرتے ہوئے صدر ایردوآن نے کہاکہ ان درندوں کو دیکھیں جو مسلح اور دو درجن ہیں اور ایک چودہ سالہ فلسطینی بچے کو گھیسٹ کر یہ ثابت کررہے ہیں کہ صیہونی ریاست میں جنگل کا قانون ہے۔ انہوں نے کہا کہ اسرائیل ایک قابض اور دہشت گرد ریاست ہے۔