مقبوضہ بیت المقدس – (فلسطین نیوز۔مرکز اطلاعات) اسرائیلی حکام نے Â مقبوضہ بیت المقدس میں ناجائزہ طور پر تعمیر کی جانے والی بسغات زیئف اور رمات شلومو نامی د و صہیونی بستیوں میں بدھ کے روز 212 نئے مکانات تعمیر کرنے کی منظوری Â دیدی۔
افلسطین نیوز کو موصول ہونے والی اطلاعات کے مطابق منظور کردہ نئے رہائشی مکانات علاقے میں صہیونی آبادکاری کے اس وسیع منصوبے کا حصہ ہے جن پرنئی امریکی انتظامیہ کے دور میں عمل درآمد کیا جائے گا۔یاد رہے اسرائیلی کابینہ نے گذشتہ ماہ مقبوضہ مغربی کنارے میں ایک نئی صہیونی بستی تعمیر کی منظوری دی تھی۔ اس بستی میں عمونہ صہیونی بستی سے بیدخل ہونے والے آبادکاروں کو بسایا جائے گا۔ عمونہ صہیونی بستی فلسطینیوں کی نجی جائیداد پر تعمیر ہونے کی بنا پر Â کو صہیونی ہائی کورٹ نے غیر قانونی قرار دی تھی اور یہودیوں کے لئے وہاں تعمیر کئے جانے والے Â مکانات مسمار کر دیئے گئے تھے۔
اقوام متحدہ کی سیکیورٹی کونسل نے 23 دسمبر 2016 کو مقبوضہ فلسطین میں صہیونی آبادکاری Â کےمنصوبے رکوانے کی حمایت کرتے ہوئے ایک قرارداد منظور کی تھی، تاہم امریکا نے اس قرارداد کی رائے شماری میں حصہ نہیں لیا تھا۔