فلسطین نیوز کو موصول ہونے والی اطلاعات کے مطابق عبرانی اخبار’ہارٹز‘ نے اپنی رپورٹ میں کہا ہے کہ صہیونی وزیراعظم نیتن یاھو ’معالیہ ادومیم‘ کالونی کو اسرائیل میں ضم کرنے کی تجویز پرنیتن یاھو سے ملاقات کے بعد غور کرنا چاہتے ہیں۔
رپورٹ کے مطابق جمعہ کے روز نیتن یاھو نے پارلیمنٹ کی ایک بڑی مذہبی سیاسی جماعت ’جیوش ہوم‘ کے سربراہ اور وزیرتعلیم نوتالی بینیٹ سے ٹیلیفون پر رابطہ کیا اور ان سے کہا کہ وہ معالیہ ادومیم کالونی کو اسرائیل میں ضم کرنے کی تجویز ان کی (نیتن یاھو کی) نو منتخب امریکی صدر ڈونلڈ ٹرمپ کے ساتھ ملاقات تک مؤخر کردیں۔ ڈونلڈ ٹرمپ سے ملاقات کے بعد وہ معالیہ ادومیم کالونی کو اسرائیل میں ضم کرنے کی تجویز زیرغور لائیں گے۔
رپورٹ کے مطابق نیتن یاھو اس سلسلے میں امریکی صدر ڈونلڈ ٹرمپ کے مشیروں سے بھی بات کریں گے۔
عبرانی اخبار کے مطابق نوتالی بینیٹ نے وزیراعظم کی تجویز پرعمل کیا ہے تاہم معالیہ ادومیم کو اسرائیل میں شامل کیے جانے کے بارے میں حکومت اور اپوزیشن کے درمیان تناؤ موجود ہے۔ اس سلسلے میں نیتن یاھو آئندہ ماہ (فروری) کے پہلے ہفتے میں امریکا کے دورے پر جائیں گے جہاں وہ نو منتخب امریکی صدر ڈونلڈ ٹرمپ سے تفصیلی بات چیت کریں گے۔