سیمینار سے خطاب کرتے ہوئے مقررین کا کہنا تھا کہ جمعۃ الوداع کو یوم القدس کے طور پر منایا جائے گا،انہوں نے حکومت سے مطالبہ کیا کہ حکومت مسئلہ فلسطین کی حمایت میں اور مظلوم فلسطینیوں کے ساتھ یکجہتی کرتے ہوئے جمعۃ الوداع یوم القدس کو سرکاری سطح پر منانے کا اعلان کرے،۔ اس موقع پر مقررین نے عوام سے اپیل کی کہ وہ اسلام آباد میں نکالے جانے والے یوم القدس کے جلوسوں میں بھرپور شرکت کریں ۔
سیمینار سے خطاب کرتے ہوئے مقررین کاکہنا تھا کہ مسلمان حکمران قبلہ اوّل کی بازیابی کے لئے عملی جدو جہد کریں ، پاکستان کے عوام فلسطینیوں کے ساتھ ہیں۔اس موقع پر مقررین نے مقبوضہ کشمیر میں بھارتی ریاستی دہشت گردی کی شدید الفاظ میں مذمت کرتے ہوئے کشمیری عوام کو یقین دہانی کروائی ہے کہ پاکستان کے عوام کشمیری مظلوم عوام کے ساتھ ہیں اور کشمیر و فلسطین کے مسئلہ کی بھرپور سیاسی واخلاقی حمایت جاری رکھیں گے۔
اس موقع پر سیمینار میں بچیوں نے فلسطین اور کشمیر کے ترانے بھی پیش کئے۔
