فلسطین نیوز کو موصول ہونے والی اطلاعات کے مطابق گذشتہ روز اسرائیلی ایوان صدر کے باہر سیکڑوں اسرائیلیوں نے غزہ میں جنگی قیدی بنائے گئے فوجی اہلکار ابراہیم منگیسٹو کی رہائی کے لیے مظاہرہ کیا۔
یہ مظاہرہ منگیسٹو کو یرغمال بنائے جانے کے1056 دن پورے ہونے کے موقع پر کیا گیا۔
اخبار یدیعوت احرونوت کی رپورٹ کے مطابق اسرائیلی صدر نے مظاہرین کو یقین دلایا وہ جلد ہی یرغمال فوجی کی رہائی کے لیے ہرممکن کوششیں کریں گے۔
اس موقع پر صدر ریفلین نے کہا کہ ابراہیم مینگسٹو کی رہائی حکومت کی ذمہ داری ہے۔ انہوں نے کہا کہ امریکی صدر ڈونلڈ ٹرمپ سے ملاقات کے دوران ابراہیم منگسٹو کا ذکر نہ کرنے پر معذرت کا اظہار کیا۔
رپورٹ کے مطابق ابراہیم منگیسٹو کے اہل خانہ اور اسرائیلی وزیراعظم نیتن یاھو کے درمیان آئندہ سوموار کو ملاقات ہوگی جس میں منگیسٹو کی بازیابی کے حوالے سے کی جانے والی کوششوں کے بارے میں انہیں آگاہ کیا جائے گا۔