مقبوضہ بیت المقدس – (فلسطین نیوز۔مرکز اطلاعات) اسرائیلی پولیس نے صہیونی ریاست کے دارالحکومت تل ابیب کے جنوب مشرقی علاقے ریشن لٹزیون سے ایک مشتبہ فلسطینی شہری کو حراست میں لیا ہے جس پر صیہونی آباد کاروں کو گاڑی تلے کچلنے کی منصوبہ بندی کا الزام عائد کیا گیا ہے۔
فلسطین نیوز کو موصول ہونے والی اطلاعات کے مطابق 39 سالہ ایک فلسطینی شہری کو اسرائیلی پولیس نےطویل تعاقب کے بعد گرفتار کیا۔ وہ حولون شہر سے ٹرک چلاتے ہوئے ریشون لٹزیون میں داخل ہوا۔ صیہونی پولیس کو اس پر شبہ ہے کہ وہ صیہونی آباد کاروں کو کچلنے کی منصوبہ بندی کررہا تھا۔پولیس کا کہنا ہے کہ دوران تفتیش ملزم نے اعتراف کیا ہے کہ وہ صیہونی فوجیوں اور آباد کاروں کو ٹرک تلے کچلنے کی منصوبہ بندی کررہا تھا۔