بیروت (فلسطین نیوز۔مرکز اطلاعات) حال ہی میں لبنان میں صیدا کے مقام پر اسلامی تحریک مزاحمت ’حماس‘ رہنما محمد حمدان پر ناکام قاتلانہ حملے کے شبے میں ایک مشتبہ ملزم کو ترکی سے گرفتار کر کے لبنان کے حوالے کردیا گیا ہے۔
فلسطین نیوز کو موصول ہونے والی اطلاعات کے مطابق ترکی کی سرکاری خبر رساں ایجنسی کی مندوبہÂ حلا ماضی نے منگل کے روز بتایا کہ حماس رہنما محمد حمدان کی کار کو بم دھماکے سے اڑانے کی سازش میں ملوث ایک مشتبہ ملزم کو ترکی سے واپس لبنان کے حوالے کردیا گیا ہے۔ ملزم کو گذشتہ روز رفیق حریری ہوائی اڈے پر داخلی سلامتی کے حکام کے حوالے کیا گیا۔خیال رہے کہ گذشتہ ہفتے صیدا شہر میں حماس رہنما محمد حمدان کی گاڑی سڑک کے کنارے نصب بم کے دھماکے سے تباہ ہوگئی تھی۔ اس حملے میں حمدان کو درمیانے درجے کے زخم آئے تھے۔
لبنانی سیکیورٹی فورسز کا کہنا ہے کہ حماس رہنما پر قاتلانہ حملے میں اسرائیلی انٹیلی جنس ادارے ملوث ہیں۔
ایک مقامی لبنانی اخبار’الاخبار‘ کی رپورٹ کے مطابق دھماکے کے وقت حماس رہنما انجن کی سی تیزی کے ساتھ گاڑی سے نکلنے جس کے نتیجے میں وہ محفوظ رہے۔