مقبوضہ بیت المقدس – (فلسطین نیوز۔مرکز اطلاعات) اسرائیلی وزیر اعظم بنجمن نیتن یاہو نے مقبوضہ مغربی کنارے میں غیر قانونی صہیونی بستیوں کی تعمیر کا کام آہستہ کرنے کی میڈیا رپورٹس کو بے بنیاد قرار دے دیا ہے۔
اسرائیلی وزیر اعظم کے دفتر کے مطابق عبرانی اور عربی چینلز کی جانب سے ان رپورٹس کی تردید کی جن میں امریکا کے نمائندہ خصوصی جیسن گرین بلیٹ اور فلسطینی اتھارٹی کے عہدیداران کے درمیان نئے مذاکرات کی تیاری کی جارہی ہے جس میں اسرائیل کی جانب سے مغربی کنارے میں تعمیرات کو آہستہ کرنے کی یقین دہانی شامل ہے۔
رپورٹ کے مطابق امریکی صدر ڈونلڈ ٹرمپ فلسیطنی اتھارٹی اور اسرائیلی حکومتوں کو رام کر کے مذاکراتی عمل کی بحالی کا اعلان کرنا چاہتے ہیں۔
اسرائیلی ذرائع کے مطابق اسرائیل نے امریکی انتظامیہ کو کوئی گارنٹی نہیں دی ہے۔